پە‌یامێكی بە‌پە‌لە ئاراستە‌ی قوتابیانی پۆلی12ی ئامادە‌یی و پۆلی9ی بنە‌ڕە‌تی دە‌كرێت
نوره‌دین عوسمان به‌ڕێوه‌به‌ری ته‌كنیكی له‌به‌ڕێوه‌به‌رایه‌تی گشتیی په‌روه‌رده‌ی سلێمانی بهSNNی ڕاگه‌یاند، “ئه‌و خوێندكارانه‌ی تاقیكردنه‌وه‌ی نیشتیمانی بۆ قۆناغی 9ی بنه‌ڕه‌تی و 12ی ئاماده‌یی ئه‌نجامده‌ده‌ن، له‌لایه‌ن ئیداره‌ی خوێندنگه‌كانه‌وه پێناسی تایبه‌ت به‌تاقیكردنه‌وه‌ی نیشتمانیان بۆ ئاماده‌ده‌كرێت و ڕۆژانه به‌و (هه‌ویه)یه ده‌چنه تاقیكردنه‌وه‌كه‌وه”.
وتیشی:”له‌ئێستادا له‌لایه‌ن ئیداره‌ی خوێندنگه‌كانه‌وه وێنه‌ی خوێندكار وه‌رده‌گیرێت و ئه‌و كارته بۆ هه‌ردوو قۆناغی 9ی بنه‌ڕه‌تی و 12ی ئاماده‌یی دروستده‌كرێت و بۆ خوێندكارانی ده‌ره‌كی به‌شداریش له‌تاقیكردنه‌وه‌ی نیشتیمانی له‌لایه‌ن به‌ڕێوه‌به‌رایه‌تی په‌روه‌رده‌كانه‌وه دروستده‌كرێت”.
ئه‌وه‌شی وت:”پێویسته خوێندكاران وێنه‌ی خۆیان بده‌نه ئیداره‌ی خوێندنگه‌كه‌یان تاوه‌كو ئه‌و كارته‌یان پێبدرێت، به‌دڵنیاییشه‌وه به‌ر له‌تاقیكردنه‌وه‌كان كارته‌كه به‌خوێندكاران ده‌درێت و پێی ده‌چنه تاقیكردنه‌وه‌وه”.
جه‌ختیشیكرده‌وه، “ئه‌گه‌ر خوێندكارێك خۆی كه‌مته‌رخه‌می كردو وێنه‌ی نه‌بردو هه‌ویه‌ی بۆ دروستنه‌كرا، ئه‌وا مافی به‌شداریكردنی له‌تاقیكردنه‌وه نیشتیمانیه‌كانی كۆتایی ساڵدا نابێت”.
نووسراوه له‌لایه‌ن
Raw Raw
Reviewed by Unknown
on
3:13:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: