دوورکەوتنەوە لە تۆڕی کۆمەڵایەتیەکان , ئاستی هۆڕمۆنی “کۆرتیزول” کەمدەکاتەوە.

بەگوێرەی توێژینەوەیەکی ئوستورالی، دوورکەوتنەوە لە تۆڕی کۆمەڵایەتیەکان بۆ ماوەی پێنج رۆژ، ئاستی هۆڕمۆنی “کۆرتیزول” کەمدەکاتەوە.

بەپێی هەواڵێکی “دەیلی مەیلی” بەریتانیا، لە زانکۆی “کوینزلاند” لە ئوستورالیا توێژینەوەیەک ئەنجامدراو لەسەر 138 کەس، کە بۆ ماوەی پێنج رۆژ لە تۆڕی کۆمەڵایەتی فەیسبووک دوورکەوتوونەتەوە.

لە ئەنجامی لێکۆڵینەوەکەش دەرکەوتووە، دوورکەوتنەوە لە فەیسبوک، دەبێتە هۆی کەمکردنەوەی ئاستی هۆڕمۆنی “کۆرتیزول” کە پەیوەندی بە پەستانی دەروونی و دڵەڕاوکێوە هەیە.

پزیشکی پسپۆڕ “ئاریک فانمان” دەڵێت “ئەو کەسانەی توێژینەوەکەمان لەسەر ئەنجامداون، لەرووی فیسیۆلۆژیەوە پەستانیان کەمبوویەوە، بە بەراورد بە پێشتر کە رازی نەبوون بە ژیانی خۆیان و خەیاڵ و هەستی فانتازیان هەیە، کە دروست نەبوو”.

نووسراوه‌ له‌لایه‌ن
user post