بێخاڵ نعمان‮ ‬یەكەمی‮ ‬سەر ئاستی‮ ‬كوردستان‮:‬‮ ‬بۆ ئەوەی‮ ‬رۆحی‮ ‬باوكم ئاسوودە بكەم هەوڵمدا پلەی‮ ‬یەكەم بەدەست بهێنم‮

هەفتەی‮ ‬رابردوو ناوی‮ ‬قوتابیانی‮ ‬قۆناغەكانی‮ ‬نۆ و‮ ‬12ی‮ ‬بنەرەتی‮ ‬بڵاو بوویەوە‮ ‬،‮ ‬كە تێیدا كۆمەڵێك قوتابی‮ ‬توانیان بە هەوڵ و تێكۆشینی‮ ‬خۆیان دایك و باوك و مامۆستاكانیان نمرەی‮ ‬زۆرباش و نایاب بەدەستت بهێنن،‮ ‬وێرای‮ ‬پیرۆزباییمان بۆیان بەتایبەت قوتابیە‮ ‬یەكەمەكانی‮ ‬سەرئاستی‮ ‬كوردستان،‮ ‬هەوڵماندا ئەو قوتابیە ناوازەیە بدوێنین كە خاوەنی‮ ‬پلەی‮ ‬یەكەمە لەسەر ئاستی‮ ‬كوردستان‮ ‬،‮ ‬كە بریتی‮ ‬لە كچەشەهیدێك بەناوی‮ (‬بێخاڵ نوعمان هەركی‮) .‬

‮ ‬راستە لەخانەوادەیەكی‮ ‬هەژارین،بەڵام توانیم ببمە‮ ‬یەكەمی‮ ‬سەرئاستی‮ ‬هەرێم‮ ‬

لەسەرەتا دا ئەو قوتابیە بەرێزە بەم شێوەیە خۆی‮ ‬بەئێمە ناساند‮: ‬من بێخاڵ نعمان كەریم دانیشتووی‮ ‬قەزای‮ ‬ئاكرێ سەر بەپارێزگای‮ ‬دهۆك‮ . ‬توانیشم پلەی‮ ‬یەكەم بەدەست بهێنم لە سەرئاستی‮ ‬كوردستان لە بەشی‮ ‬وێژەیی‮ ‬قوتابخانەی‮ ‬سوسنای‮ ‬ئامادەیی،ئێمەخێزانێكی‮ ‬هەژارین لەماڵەوە سێ خوشك و چوار براین دایكم ژنی‮ ‬ماڵەوەیە بژێوی‮ ‬ژیانمان مامناوەندە،بەڵام هەژاری‮ ‬نەبۆتە رێگرم لە خوێندن و ئەو خەونانەی‮ ‬هەمە لە ژیان‮.‬

كاتی‮ ‬باوكم شەهید بوو بریارم دا واز لەخوێندن بێنم

بێخاڵی‮ ‬یەكەم لەقسەكانی‮ ‬بەردەوام بوو و گوتی‮: ‬ئەوكاتەی‮ ‬باوكم لەدەستدا‮ ((‬شەهید‮)) ‬بوو بریارم دا واز لە خوێندن بێنم،‮ ‬بەڵام بۆ ئەوەی‮ ‬رۆحی‮ ‬باوكم ئاسوودە بكەم هەوڵمدا پلەی‮ ‬یەكەم بەدەست بهێنم‮ ‬،بۆیە هۆكاری‮ ‬ئەم سەركەوتنەم باوكەمە‮.‬

براكانم زۆر زیرەكن بەڵام ئێستا ئەوان شەڕی‮ ‬داعش دەكەن‮

بێخاڵ لەوەڵامی‮ ‬پرسیاری‮ ‬ئێمەدا كە ئاخۆ هەر ئەو لە نێو خانەوادەكەی‮ ‬وا بەهرەمەندە‮ ‬یاخود خوشك و براكانیشی‮ ‬ئاوان،‮ ‬ئەویش گوتی‮ : ‬بەڵێ وەك منن بەتایبەت براكانم كە تا ئێستاش شەڕی‮ ‬درەندەترین بونەوەر دەكەن كە چەكدارانی‮ (‬داعش)ن،‮ ‬بەو هۆیەوە سەرقاڵن بەڵام رۆژێك دێت ئەوانیش وەكمن سەركەوتوو بن زیاتر و زیاتر‮. ‬

رۆژانە‮ ‬18كاتژمێر دەرسم دەخوێند

بێخاڵ لەبارەی‮ ‬چۆنیەتی‮ ‬خوێندنەكەی‮ ‬گوتی‮: ‬رۆژانە‮ ‬18كاتژمێر دەمخوێند بەرۆژ و بە شەو‮ ‬،بەتایبەت كاتی‮ ‬بەیانیان‮ ‬،لەداهاتوویش پلانم ئەوەیە كە لە دەرەوەی‮ ‬وڵات بخوێنم پاشان خزمەت بە نیشتمانەكەم بكەم‮.‬

من قەرزاری‮ ‬خێزانەكەمم‮ ‬

بێخاڵ ئەمجارەیان رووی‮ ‬قسەكردنی‮ ‬ئاراستەی‮ ‬خێزانەكەی‮ ‬كرد و گوتی‮: ‬من بەخێزانەكەم دەڵێم قەرزاری‮ ‬ئێوەم من دڵخۆشترین مرۆڤم كە ئێوەم هەیە،‮((‬سوپاستان دەكەم‮)) ‬هەروەها زۆر سوپاسی‮ ‬مامۆستاكانیشم دەكەم كە هەمیشە پاڵپشتم بوون‮ ..‬بەهەموو قوتابیان بەتایبەت ئەو قوتابیانەی‮ ‬كەنمرەیان نەهێناوە بێ هیوا مەبن ژیان بەردەوامە هەوڵبدەن تا دەگەنە خەونەكانتان‮. ‬

بەهیوام حكومەتی‮ ‬هەرێم پاڵپشتیم بكات بۆ ئه‌وه‌ی لەدەرەوەی‮ ‬وڵات بخوێنم‮‬

لەكۆتاییدا بێخاڵ نوعمان كەریم گوتی‮: ‬ئاواتە خوازم ئەم هەموو ماندوو بوونەمان بەفیڕۆ نەروات بوارمان بۆ برەخسێنن تابتوانین بەرهەمێكی‮ ‬باشمان بۆ كۆمەڵگەكەمان هەبێت،‮ ‬هەروەها داواكارم حكومەتی‮ ‬هەرێم پاڵپشتم بێت بۆ ئەوەی‮ ‬بتوانم لە دەرەوەی‮ ‬وڵات درێژە بەخوێندن بدەم پاشان خزمەتی‮ ‬كوردستانەكەم بكەم‮.‬

خه‌بات: پەری‮ ‬عومەر‮ ‬

 

نووسراوه‌ له‌لایه‌ن
Parwarday Maxmur