بۆ خوێندکارانی پۆلی ١٢ زانیاری تەواو لەسەر بەشی کیمیا

بەشی #کیمیا چیەو خوێندن چۆنە تێیدا؟ #تاگ پۆلی١٢ ەیەک بەشی کیمیا لە کۆلێجی زانست و لە کۆلێجی پەروەردەش هەیەو خوێندن لەهەردوکیاندا ٤ ساڵەو دەرچوی ئەم بەشە دەبێتە خاوەنی بڕوانامەی بەکالۆریۆس. دەرچوانی کۆلێجی زانست لە زۆر بواردا هەلی دامەزراندنیان هەیە وەک لە کەرتی تەندروستی (وەزارەتی تەندروستی)و کۆمپانیاکان و کوالیتی کۆنترۆلی سنورەکان بۆ پشکنینی کیمیاوی خۆراک و زۆر بواری تر. دەرچوانی کۆلێجی پەروەردە دەتوانن لە وەزارەتی پەروەردە داوای دامەزراندن بکەن و دەبنە مامۆستای ئامادەیی. بەگشتی لە قۆناغە جیاجیاکانی خوێندن لەبەشی کیمیا بابەتە بنچێنەییەکانی کیمیای ئۆرگانیک و ئەنالایتیکاڵ دەخوێنرێت و پاشان کیمیای ژیانی و زۆر بابەتی تری گرنگ کە ئەوانەی خولیای ئەم بەشەن زیاتر حەزیان لەم بەشە دەبێت ئەگەر بێت و لە کیمیای ژیانی باش تێبەن هەرچەندە لەلای زۆربەی خوێندکاران وانەیەکی ناخۆش و گران دێتە پێش چاو. نمرەی وەرگیران لەم بەشە لەسەر پێشبڕکێیەوە تەنها بە سیستمی زانکۆلاین دەرچوی پۆلی ١٢ وەردەگیرێت تێیدا و سیستمی راستەوخۆی نیە. بۆ زانیاری زیاتر بەردەوام و ڕۆژانە سەردانی ماڵپەڕی زانکۆلاین www.zankoline.coبکەن و بچنە سەر بەستەری پرسیارو وەڵام. بەردەوامبین لەباسکردنی هەموو بەشەکانی زانکۆو پەیمانگاکان بەردەوام سەردانی ئەم ماڵپەرە بکەن بۆ زانیاری نوێ

نووسراوه‌ له‌لایه‌ن
zankoline