ل پارێزگهها دهۆكێ ( 31882) قوتابیێن دوازدێ ئامادهیی پشكداریێ د ئهزمونان دا دكهن
ب مهرهما دویڤ چونا سهقایێ گشتی یێ ئهنجامدانا ئهزمونێن دوازدێ ئامادهیی ئهڤرو سپێدێ 15-6-2017بهرێزان فهرهاد ئهمین ئهتروشی پارێزگهرێ دهوكێ و عمر علی تهها رێڤهبهرێ گشتی یێ پهروهردا پارێزگهها دهوكێ ب وهكالهت و عومهر ئهحمهد قاسم رێڤهبهرێ پهروهردا دهۆك رۆژئاڤا جودا جودا سهرا بنگههێن ئهنجامدانا ئهزمونێن دوازدێ ئامادهیی ل ئامادهیا (سهفین وقوتابخانا مازی وئامادهیا كاوه ) دا وژنێزیك سهحكره رهوشا قوتابییان دهمێ ئهزمونان ئهنجامدهن.
پارێزگهرێ دهوكێ دپرێس كونفرانسهكیدا دهست خوشی ل ستافێ پهروهردێ ول فهرمانگههێن دی یێن میری وهكو فهرمانگهها كارهبێ ورێڤهبهریا پولیسا ولایهنێن دی كر بو دابینكرنا ههموو پێدڤیێن هولێن ئهنجامدانا ئهزمونان وپهیداكرنا سهقایهكێ ئارام بو ڤێ پروسێ وسهركهفتن بو ههموو قوتابیێن پشكدار خواست.
ههروهسا گوت ژمارهكا زور ژئهڤان قوتابییان دێ ل زانكو وپهیمانگهها هێنه وهرگرتن وپشتی دهردچن دێ خزمهتا پارێزگهها دهوكێ وخهلكێ كوردستانێ كهن وئاماژه دا كارتێكرنا قهیرانا دارایی ل سهر كهرتێ پهروهردێ وتهكهزكر كو پهروهدهكرنا ساخلهم جڤاكهكێ ساخلهم پهیدادكهت وهیڤی خاستن قوتابیێن پشكدار ئهنجامێن باشتر ژسالێن بهری نوكه ب دهستڤه بینن وسهركهفتن بو ههموو قوتابیێن پشكدار خواست.
ژلایێ خوڤه عمر علی تهها رێڤهبهرێ گشتی یێ پهروهردا پارێزگهها دهوكێ ب وهكالهت بو كهنالێن راگههاندنێ گوت : ئهڤ ساله مه پتر ئامیرهتێن تهشویشێ ل ناڤا بنگهها داناینه ههروهسا هێلا گشتی یا ئنترنێتێ ژدهم ژمێر 6ههتا 9سپێدێ دهێته برین بو وێ یهكێ قوپیا نههێته كرن ودهزگههێن ئهمنی ژی پتر چاڤدێریێ دكهن ههروهسا كارهب هاتیه دابینكرن وپولیس لناڤ ههر بنگهههكی هاتینه دانان دا ئهزمون ب رهنگهكێ ئاسایی وئارام بهێنه ئهنجامدان .
ههژی گوتنێ (31882) قوتابیێن دوازدێ ئامادهیی( زانستی – وێژهیی – پیشهیی ئیسلامی) ل سهرانسهری پارێزگهها دهوكێ پشكداریێ د ئهزمونا دا دكهن و(664)بنگهه ل دهه پهروهردان هاتینه بهرههڤكرن وئهزمون ههتا 16-7-2017دێ بهردهوامبن.
The post ل پارێزگهها دهۆكێ ( 31882) قوتابیێن دوازدێ ئامادهیی پشكداریێ د ئهزمونان دا دكهن appeared first on رێڤەبەریا پەروەردا قەزا دهوك روژئاڤا.
نووسراوه لهلایهن
azad nisry
ليست هناك تعليقات: