مامۆستایان دە‌ڵێن بەرپرس نینە لە خۆكوشتنی قوتابیان لە بە‌ر دە‌رنە‌چوونیان لە تاقیكردنە‌وە
لەبەرامبەر تۆمەتبارکردنیان بەخۆکوشتنی خوێندکاران, مامۆستایان و بەڕێوەبەری خوێندنگاکانی سنوری قەزای کفری لەبەردەم دادگای بەرایی کفری گردبونەوەو داوای چارەسەری ئەو کێشەیەی مامۆستایان دەکەن.
ئەنجومەنی بەڕێوەبەری خوێندنگەکانی سنورەکە لەگردبونەوەیەکدا، یاداشتێکیان بۆ ڕای گشتیی و داواکاری گشتیی ئاشکراکردو ئاماژەیان بەوەداوە، لەدوای خۆکوشتنی خوێندکارێک لەقەزای کفری، ئێستا ڕوداوی سەیرو نایاسایی و ناپەروەردەیی ھەڕەشە لەکوالێتی خوێندن دەکات.
باسیان لەوەشکردوە، “کار گەیشتۆتە ئەوەی بەئاشکرا مامۆستایان ناچاردەکرێن مل بدەن بۆ ئەوەی چاوپۆشی لەخوێندکاران بکەن”.
لەیاداشتەکەدا پێنج داواکاری خراوەتەڕوو جەختکراوەتەوە لەسەرئەوەی، “خۆکوشتن و ھەڕەشەی خۆکوشتنی خوێندکاران، زەنگێکی مەترسیدارەو نیشانەی بونی گرفتە لەسیستەمی پەروەردە، نابێت مامۆستایانیش ناچاربکرێن چاوپۆشی لەخوێندکاران بکەن بەھیچ بیانویەک”.
ئەوەشخراوەتەڕوو, “مامۆستایان بەھیچ جۆرێک بەرپرس نین لەخۆکوشتن و ھەوڵی خۆکوشتنی خوێندکاران”.
ڕۆژی ١٦ی ئەم مانگە بەھۆی دەرنەچونیەوە, خوێندکارێک لەقەزای کفری خۆی کوشت و دوای سێ ڕۆژیش بەڕێوەبەری خوێندنگەکەی دەستگیرکرا.
نووسراوه له‌لایه‌ن
Raw Raw
Reviewed by Unknown
on
12:56:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: