“سی میلۆن دۆلار بۆ خوێندكارانی تواناسازی تەرخانكراوە”
وەزیری خوێندنی باڵا‌و توێژینەوەی زانستی حكومەتی هەرێم جەغت لەسەر ئەوە دەكاتەوە كە وەزارەتەكەیان شایستە داراییەكانی خوێندكارانی تواناسازی خەرج دەكات.
وەزارەتی خوێندنی باڵا‌و توێژینەوەی زانستی حكومەتی هەرێم راگەیەندراوێكی بڵاوكردەوە‌و تیایدا هاتوە: لەچوارچێوەی كۆبونەوەی لەگەڵ نوێنەری خوێندكارانی كوردی ژمارەیەك لەزانكۆكانی بەریتانیا، د.یوسف گۆران وەزیری خوێندنی باڵا‌و توێژینەوەی زانستی حكومەتی هەرێم رایگەیاند “تەواوی پابەندییەكانمان بەرامبەر بەو زانكۆیانەی كە خوێندكارانی تواناسازی تێیدا دەخوێنن جێبەجێ دەكەین و سەرجەم شایستە داراییەكانیان بۆ خەرج دەكرێت”.
لەبەشێكی تری راگەیەندراوەكەشدا هاتوە “لە هەوڵ و كۆششەكانمان بەردەوامین بۆ ئەوەی شایستە داراییەكانی خوێندكارانی تواناسازی دابین بكرێت، لەرێكەوتی (٦/٣/٢٠١٧) سەرۆكی حكومەت رەزامەندی نیشاندا بەتەرخانكردنی بڕی سی میلۆن دۆلار بۆ خوێندكارانی تواناسازی بەتایبەت ئەوانەی ئێستا لەپڕۆسەی خوێندندان”.
نووسراوه له‌لایه‌ن
user post
Reviewed by Unknown
on
1:17:00 ص
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: