كومبونا ئه‌ڤرو يا په‌روه‌ردێ چه‌ندين خالێن گرنگ هاتنه گه‌نگه‌شه كرن
ئه‌ڤرو روژا پێنج شه‌مبى رێكه‌فتى 2/3/2017 و لده‌م ژمێر (10:30) سپێدي كومبونا ئاسايى يا په‌روه‌ردێ ل كوچكا رێڤه‌به‌ريا گشتى يا په‌روه‌ردا پارێزگه‌ها دهوكێ هاته كرن .
دكومبونێ دا و ب ئاماده‌بونا به‌رێز عمر على تاها رێڤه‌به‌رێ گشتى يێ په‌روه‌ردێ ل پارێزگه‌ها دهوكێ ب وه‌كاله‌ت و هه‌ردوو هاريكارێن رێڤه‌به‌رێ گشتى و هه‌مى رێڤه‌به‌رێن په‌روه‌ردێن قه‌زايێن سه‌ر ب پارێزگه‌ها دهوكێ ڤه و رێڤه‌به‌رێ رێڤه‌به‌ريا سه‌رپه‌رشتيا په‌روه‌رده‌يى ودلنيا جورى وژماره‌كا رێڤه‌به‌رێن رێڤه‌به‌ريين سه‌ر ب كوچكا په‌روه‌ردا گشتى ڤه دان وستاندن وگه‌نگه‌شه لسه‌ر چه‌ندين خالێن گرنك يێن گرێداى پروسا په‌روه‌رده وفێركرنێ ل پارێزگه‌ها دهوكێ .
دكومبونێ به‌رێز رێڤه‌به‌رێ گشتى يێ په‌روه‌ردێ ئاماژه دا كومبونا به‌رى چه‌ند روژان ل وه‌زاره‌تا په‌روه‌ردێ و به‌رنامێ كارێ وێ كومبونێ ، هه‌روه‌سا رێڤه‌به‌رێ گشتى چه‌ندين خالێن گرنك بو ئاماده‌بويان دانه دياركرن ژوان :
– ده‌ست خوشى ل هه‌مى رێڤه‌به‌ريێن په‌روه‌ردێن قه‌زا كر بو سه‌رئێخستن وئه‌نجام دانانا ئه‌زموونێن تمهيدى ده‌ستپێكى .
– ئێك گرتنا گوتارێن ب هه‌لكه‌فتێن نه‌ته‌وه‌يى ونيشتيمانى وبه‌لاڤكرنا وان گوتاران لسه‌ر قوتابيان دده‌مێ هه‌لكه‌فت وبيروه‌ريان دا .
– ساخكرنا روژا جل وبه‌رگێن كوردى كو سالانه ئه‌ڤ هه‌لكه‌فته دهێته ساخكرن و داخواز كر كوگرنگى ب ب هه‌مى هه‌لكه‌فت وبيروه‌ريا بهێته كرن وبو روژا جل وبه‌رگێن كوردى قوتابى يێ ئازاده ونابيت زورى لێ بهێته كرن .
– ل 25/4/2017 هه‌مى جورێن چالاكيان دێ هێنه راوه‌ستاندن ونابيت چێ چالاكى پشتى ڤێ به‌راورێ بهێنه ئه‌نجام دان .
– پێشنيار هاته كرن كو ئه‌زموونێن وه‌رزێ دووێ يێن قوناغا 12 ئاماده‌يى كو بريار بو 4/4/2017 بهێنه كرن بهێنه پاِش ئيخستن بو 22/4/2017 ژبه‌ر كو زوربه‌ى ماموستايان ئه‌ڤ داخوازه كريه .
– گرنگى دان ب پاقژيا قوتابخانا و بريار هاته دان كو هه‌مى قوتابخانه دوو جاران دێ حه‌فتيێ دا بهێته پاقژكرن و ليژنه‌يه‌ك بهێته پێك ئينان بو دويڤ چونا ڤێ چه‌ندێ و پێدڤى يه هه‌مى ستافێ قوتابخانێ پشكداريێ دڤێ هه‌وا حه‌فتيانه دا بكه‌ت .
– كێمكرنا روتينێ دناڤ دام وده‌زگه‌هێن په‌روه‌رده‌يى دا وپێدڤى ب جدى كار لسه‌ر ڤێ چه‌ندێ بهێته كرن .
– گرنگى دان ب زاروكێن شه‌هێدێن سه‌ربلند وئاماره‌ك بهێته ئاماده‌كرن .
– پێك ئينانا ليژنه‌يه‌كێ بو پولين كرنا قوتابخانا لسه‌ر چوار گروپان لسنورێ هه‌ر په‌روه‌رده‌كێ .
– ده‌ست نيشانكرنا ماموستايێن خودان شيان وخه‌لاتكرن ودانا سوپاسيان بووان ماموستايان .
– پێك ئينانا جڤاتا شيره‌تكاريێ دبياڤێ په‌روه‌ردێ دا لسه‌ر ئاستێ پارێزگه‌هێ كو ئه‌ڤ جڤاته ژ كه‌سانێن شاره‌زا وبسپور وخودان ئه‌زموون دبياڤێ په‌روه‌ردێ دا .
– ديراسه‌تكرنا دياردا ره‌ڤێن وهێلانا قوتابيان ژ قوتابخانێ و ده‌ست نيشانكرنا ئه‌گه‌ران و بزاڤ كرن بو دويتنا چاره‌سه‌ريان .
زێده‌بارى چه‌ندين خالێن دى دكومبونێ دا هاتنه به‌حسكرن .
http://www.perwerdagduhok.net/
The post كومبونا ئه‌ڤرو يا په‌روه‌ردێ چه‌ندين خالێن گرنگ هاتنه گه‌نگه‌شه كرن appeared first on رێڤەبەریا پەروەردا قەزا دهوك روژئاڤا.
نووسراوه له‌لایه‌ن
azad nisry
Reviewed by Unknown
on
9:10:00 م
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: