ئه‌نجامێن پروژێ به‌لاڤكرنا ره‌وشه‌نبيريا ساخله‌ميا قوتابخانان دوورك شوپا رێكخراوا هاريكار دا هاتنه به‌رچاڤكرن
ئه‌ڤرو به‌رى نيڤرو رێكه‌فتى 12/2/2017 رێكخراوا هاريكار وورك شوپه‌ك لدور پروژێ به‌لاڤكرنا ره‌وشه‌نبيريا ساخله‌ميا قوتابخانان ل هوتێلا رێكسوس ب ئاماده‌بونا لايه‌نێن په‌يوه‌نديدار رێكخست .
دوورك شوپێ دا و ب ئاماده‌بونا به‌رێزان عمر على تاها رێڤه‌به‌رێ گشتى يێ په‌روه‌ردا پارێزگه‌ها دهوكي ب وه‌كاله‌ت و كاوه عمر حمد رێڤه‌به‌رێ گشتى يێ پروگرامان ل وه‌زاره‌تا په‌روه‌ردێ ب وه‌كاله‌ت و رێڤه‌به‌ر وستافێ رێكخراوا يونێسێف و هاريكارى رێڤه‌به‌رێ گشتى يێ په‌روه‌ردێ و ژماره‌كا رێڤه‌به‌رێن په‌روه‌ردێن قه‌زا و ريڤه‌به‌رێ سه‌رپه‌رشتيا په‌روه‌رده‌يى ودلنيا جورى و ژماره‌كا سه‌رپه‌رشتيار و سه‌رپه‌رشتيارێن ئێكێ ل قه‌زا و نوينه‌رێ رێڤه‌به‌ريا ساخله‌ميا پارێزگه‌ها دهوكێ و نوينه‌رێ ريڤه‌به‌ريا كاروبارێن مروڤايه‌تى بورها ل پارێزگه‌ها دهوكێ چه‌ندين په‌يڤ هاتنه خواندن .
ل به‌راهيێ به‌رێز فخرى كلش ريڤه‌به‌رێ رێڤه‌به‌ريا سه‌رپه‌رشتيا په‌روه‌رده‌يى ودلنيا جورى ل پارێزگه‌ها دهوكێ دپه‌يڤه‌كێدا ديار كر كو ئه‌ڤ پروژه پار سال ل (16) قوتابخانێن دناڤ كه‌مپان دا ده‌ست پێكر وبو ئه‌ڤ ساله ( 36) قوتابخانێن دى ڤه‌گرت ل ژماره‌كا په‌روه‌ردێن قه‌زا ، هه‌روه‌سا به‌رێز كلش دا دياركرن كو ئه‌ڤ پروژه ب پراكتيك شيا ره‌وشه‌نبيريا ساخله‌ميێ دناڤ قوتابخانان دا به‌لاڤبكه‌ت و ئه‌نجامێن باش هه‌بون وداخواز كر كو ئه‌ڤ پروژه به‌رفرهتر لێ بيت وزوربه‌ى قوتابخانا ڤه‌گريت .
لدويڤ دا به‌رێز د. نورالدين به‌رپرسێ بنگه‌هێ زانين يێ ساخله‌ميا قوتابخانان سه‌ر ب رێڤه‌به‌ريا ساخله‌ميا پارێزگه‌ها دهوكێ دپه‌يڤه‌كێدا ئاشكرا كر كو جوداهيا ڤى پروژه‌ى ئهو بويه ره‌فتارا قوتابى بگهوريت دقوتابخانێ دا ژلايێ پاقژيێ وساخله‌ميێ ڤه وداخواز كر كو ئه‌ڤ پروژه يێ درێژخايه‌ن وبه‌رده‌وام بيت وهه‌مى قوتابخانا ڤه‌گريت .
لدويڤ دا رێڤه‌به‌رێ رێكخراوا يونێسێف دپه‌يڤه‌كێدا ديارك ركو خوشحاله ئه‌ڤرو ئاماده‌ى ڤێ وورك شوپێ بيت ودگه‌ل سێ گوشه‌يێ گرنگ ( په‌روه‌رده – ساخله‌مى – يونيسێف ) ژنێزيك كوم ببيت وگوهدارى بيروبوچونان بكه‌ت لسه‌ر ڤى پروژێ گرنك وئاشكرا كو ئارمانج ژڤى پروژه‌ى چيكرنا پره‌يه‌كێ يه دناڤبه‌را ڤى سێ گوشه‌يێ هه‌ماهه‌نگى وهه‌ڤكاريێ بو هندێ ساخله‌ميا قوتابخانان ژهه‌مى رويه‌كى ڤه دئاسته‌كێ باش دا بيت و لدوماهيا په‌يڤا خو سوپاسيا رێڤه‌به‌ريا گشتى يا په‌روه‌ردا پارێزگه‌ها دهوكێ و رێڤه‌به‌ريا ساخله‌ميێ و رێكخراوا هاريكار بو سه‌رئێخستنا ڤى پروژه‌ى .
هه‌ژى گوتنێ يه ئه‌ڤ پروژه ژلايێ رێكخراوا هاريكار ب كوژمێ 566.970 هزار دولاران هاتينه بجهئينان و نێزيكى 33.330 قوتابيان ل ( 50) قوتابخانان لسنورێ په‌روه‌ردێن ( دهوك روژ هه‌لات – روژئاڤا – زاخو – به‌رده‌ره‌ش – ئاكرێ ) مفا ژڤى پروژه‌ى دويت زێده‌بارى 1825 ماموستا پشكدارى دڤى پروژه‌ى دا كربو كو بو ماوێ شه‌ش هه‌يڤان ئه‌ڤ پروژه دێ يێ به‌رده‌وام بيت كو ل 1/9/2016 ده‌ستثيكريه و ل 28/2/2017 دێ بدوماهى هێت .
جهێ ئاماژه كرنێ يه كو رێكخراوا هاريكار رێكخراوه‌كا لوكاله لسه‌ر ئه‌جندێن ( ساخله‌مى – په‌روه‌ردا مه‌ده‌نى – كاروبارێن ياسايى ) كاردكه‌ت و ل سالا 2004 هاتيه دامه‌زراندن .
The post ئه‌نجامێن پروژێ به‌لاڤكرنا ره‌وشه‌نبيريا ساخله‌ميا قوتابخانان دوورك شوپا رێكخراوا هاريكار دا هاتنه به‌رچاڤكرن appeared first on رێڤەبەریا پەروەردا قەزا دهوك روژئاڤا.
نووسراوه له‌لایه‌ن
azad nisry
Reviewed by Unknown
on
11:40:00 ص
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: