زانكۆ و په‌یمانگاكانی سنووری سلێمانی له بایكۆت به‌رده‌وام بوون
لەو ناوچانەی بایکۆتی خوێندن کراوە، پڕۆسەی خوێندن لە دۆخێکی ئاڵۆزدایە و لەلایەکەوە بەشیک لە مامۆستا و خوێندکاران گەڕاونەوە هۆڵەکانی خوێندن و لەلایەکی دیکەوە بەشیک لە مامۆستایان دەڵێن، تا داواکراییەکان جێبەجێنەکرێت بەردەوام دەبن لەسەر بایکۆتکردنی خوێندن.
هاوکات بەشێک لەمامۆستایان و فەرمانبەرانی زانکۆی سلێمانی و گەرمیان و ڕاپەڕین و مامۆستایانی ناڕازی سەیدا سادق گردبونەوە و داوای پێدانی موچەکانیان و لابردنی سیستمی پاشەکەوتیان دەکرد.
پرۆسەی خوێندن لەو ناوچانەی بایکۆتی تێدا کراوە گەیشتوەتە دۆخێک نە حکومەت و نە مامۆستایان و نە خوێندکاران نازانن بەکوێ دەگات.
لەلایەک بەشێک لە دەرگاى خوێندنگاکان کراونەتەوە و لەلایەکی دیکەوە خۆپیشاندان و نارەزایی دژى سیستمى پاشەکەوتکردنى موچە بەردەوامە.
بەشێک لەمۆستایان و فەرمانبەرانی زانکۆی سلێمانیش جارێکی تر لەبەردەم کەمپی نوێی زانکۆدا خۆپیشاندانیان ئەنجامدا و بەردەوامی بایکۆتیان دوپاتکردەوە.
لە کەلار بەشێک لەمامۆستایان و فەرمانبەرانی زانکۆی گەرمیان لەبەردەم سەرۆکایەتی زانکۆی گەرمیان گردبونەوەیەکیان ئەنجامدا و ئاماژەیان بۆ ئەوەکرد تا جێبەجێکردنی داواکاریەکانیان لە بایکۆتکردنى پرۆسەى خوێندن بەردەوام دەبن .
لەرانیەش مامۆستایان و فەرمانبەرانی زانکۆی راپەرین خۆپشاندانیان ئەنجامداو داوای لابردنی سیستمی پاشەکەوت و پێدانی موچەکانیان کرد لە کاتى خۆیدا.
لەسەیدسادقیش بەشێک لەمامۆستایانی نارازی و فەرمانبەران گردبونەوەو دژی بریاری وەزارەتی پەرەردە بۆ سزادانى مامۆستایان وەستانەوە.
زیاتر لە ٢ مانگە بایکۆت و گردبونەوەی بەشێک لە مامۆستایانی سەربە وەزارەتی پەروەردە و فەرمانبەر و مامۆستایانی زانکۆ لە پارێزگاکانی سلێمانی و ھەڵەبجە و ئیدارەکانی گەرمیان و راپەرین بەردەوامە و بەشێکیان سورن لەسەر بایکۆت تا موچەکانیان پێدەدرێت و پاشەکەوتی موچە هەڵدەوەشتێتەوە.
نووسراوه له‌لایه‌ن
user post
Reviewed by Unknown
on
12:03:00 ص
Rating:
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: