ئەمساڵ 18 هه‌زار قوتابی له‌ هیچ كۆلێژ و په‌یمانگایه‌ك وەرنەگیراون..

ئێوارەی ئەمڕۆ پێنج شەمە وەزارەتی خوێندنی باڵا و توێژینەوەی زانستی ڕاگەیەنراوێکی بڵاو کردەوە لەسەر وەرگرتنی قوتابیان لە ڕێگەی سیستەمی ئەلیکترۆنی زانکۆلاین .
ئەمساڵی خوێندنی ( 2017 – 2016 ) بە ژمارە ( 49018) قوتابی پۆلی 12ی ئامادەییەیان تەواو کردووە لەسەرتاسەری هەرێمی کوردستان لەو ژمارە قوتابیە ( 1000 ) قوتابی لە ڕێگەی (ڕاستەوخۆ)وە وەرگیراون لەو (102) بەشەی دیاری کرابوو ، پاشان لەڕێگەی سیستەمی زانکۆلاین ( 30039 ) قوتابی ناوی هاتۆتەوە ، بەپێ ی ئەوەی کە ڕاگەیەنرا ئەم ئێوارە کەمترین کۆنمرەی ئەمساڵ ( 477.13) کە دەکاتە ڕێژەی لە ( 68.18% ) وەرگیراوە .
کەمترین کۆنمرەی وەرگیراو بە ڕاستەوخۆ ڕێژەی لە ( 60% ) وەرگیراوە .
ڕێژەی لە ( 50% ) بە سیستەمی ( پارالێڵ ـ ئێواران ـ ڕاستەوخۆ ) لە پەیمانگا و زانکۆی پۆلۆتەکنیک وەرگیراون .
واتە کۆی وەرگیراوان لە دەرچوانی پۆلی 12ی ئەمساڵی خوێندن ( 31.039 ) قوتابی وەرگیراوە بەمەش ( 17.979) قوتابی ئەمساڵ لە زانکۆ و پەیمانگاکان بێ بەش بووە ، واتە ڕێژەی لە ( 36% ) وەرنەگیراوە .