هه‌ڵه‌ هه‌بووه‌ له‌ ڕیزبه‌ندی یه‌كه‌مه‌كاندا

پاش ئەوەى وەزارەتى پەروەردە لیستى ڕیزبەندى خوێندکارە یەکەمەکانى بڵاوکردەوە دەرکەوت کە هەڵەیەک لە ڕیزبەندى دووەم و یەکەمى دووبارەدا هەیە.

شۆڕش غەفورى وتەبێژى وەزارەتى پەروەردە ئەمڕۆ ١٣ى تەموز بە دیجیتاڵ میدیاى ئێن ئاڕ تى ڕاگەیاند " ئەو لیستەى بڵاوکراوەتەوە هەڵەیەکى تیادایە و لە ئێستادا سەرقاڵى ڕاستکردنەوەین و هەڵەکەش پەیوەندى بە ئەپدەیت نەکردنەوەى سیستەمەکەوە هەبووە".

لە لیستە ڕاگەیەندراوکەدا خوێندکار "ڕیفین فواد شکر" وەک یەکەمى دوبارە ڕیزبەندى کراوە کە کۆنمرەکەى ٧٩٦ و تێکڕاکەى دەکاتە ٩٩.٥ لە کاتێکدا خوێندکار " میر تەها محسن " کۆنمرەکەى ٦٩٨ و تێکڕاکەى ٩٩.٧١ هەر وەک یەکەمى دووبارە ناوى هاتووە".

شۆڕش غەفورى ڕاشیگەیاند " واتە هەر دوو خوێندکار " ڕێڤان محییەدین کەریم " و "میر تەها محسن " یەکەمن و خوێندکار "ڕیفین فواد شکر" پەلى دووەمى هەیە".

کەواتە ڕیزبەندییەکە بەم شێوەیەیە:

١-ڕێڤان محییەدین کەریم -- یەکەم

٢- میر تەها محسن -- یەکەمى دووبارە

٣- ڕیفین فواد شکر -- دووەم

ئەمەش لە دواى ئەوە هات دوێنێ وەزیرى پەروەردە لە کۆنفرانسێکى هەواڵیدا ئەنجامی تاقیکردنەوەکانى پۆلەکانى ١٢ی ئامادەى و ٩ى بنەڕەتى و لیستى یەکەمەکانى ئاستى هەرێمى کوردستانى بڵاوکردەوە.
http://www.nrttv.com/Details.aspx?Jimare=44577