ناعەدالەتیەکی وەزارەتی خوێندنی باڵا لە خوێندکاران.. (به‌تایبه‌تی قوتابیانی سلێمانی)

هەروەک ئاگادارن سیستمی زانکۆلاین بە جۆرێک دارێژراوە کە ٨٠٪ کورسیەکان بۆ خوێندکارانی پارێزگاکە خۆی دەبێت و ٢٠٪ ەکەی تری بۆ خوێندکارانی ناوچەکانی تر دەبێت..ئەوەی جێی سەرسوڕمانە ئەمساڵ پارێزگای هەڵەبجە، ئیدارەی راپەڕین، ئیدارەی گەرمیان و(ئەو خوێندکارانەی کەرکوکیش کە وەزیری خوێندنی باڵا بە بریارێکی تایبەت وەریاندەگرێت لەسەر سیستمی زانکۆلاین) هەموویان لەسەر پارێزگای سلێمانی حسێبکراون..واتە هەموو قوتابیانی ئەو ناوچانەی کە ئاماژەمان پێکرد پێشبڕکێ دەکەن لەسەر ٨٠٪ کورسیەکانی پارێزگای سلێمان..واتە ٤٥ هەزار خوێندکاری ئەو دەڤەرە لەسەر ٨٠٪ کورسیەکانی زانکۆکان منافەسە دەکەن..بەمەش نمرەی بەشەکانی ئەم پارێزگایە زۆر زۆر بەرزتر دەبێت لە چاو پارێزگای دهۆک و هەولێر..واتە نمرەی پارێزگا عادەتەن دەبێت نزمترێت بۆ خەڵکی دانیشتووی پارێزگاکە، بەڵام بۆ پارێزگای سلێمانی ئەمە بە پێچەوانەوە دەبێت و غەدرێکی گەورە لە خوێندکارانی ئەم دەڤەرە کراوەو نمرەی ئەم پارێزگایە بەم سیستمی ٨٠٪ زۆر زۆر بەرزتر دەبێت..بە سادەترین نموونە روونی دەکەینەوە چۆن زەرەر دەکەن؟؟؟ئێمە نموونەیەکی سادەتان بۆ باس دەکەین بۆ ئەوەی بەجوانی تێنگەن...بەشی پزیشکی وەک نمونە وەردەگرین سەرارای ئەوەی زۆر لەبەشەکانی تریش لە ئەندازیاری و زانستیەکان هەر لە پارێزگاکانی هەولێرو دهۆک زۆرترن..
لە پارێزگای سلێمانیدا تەنها یەک بەشی پزیشکی گشتی هەیە کە ئەویش لە زانکۆی سلێمانیەو تەنها توانای وەرگرتنی ١٠٠ خوێندکاری هەیە کەچی قوتابیانی ناوچەکانی سلێمانی و پارێزگای هەڵەبجەو ئیدارەی راپەرین و گەرمیان و کەرکویش وەک پارێزگا تەنها بەشی پزیشکی زانکۆی سلێمانیان بۆدانراوە.. 
لە لاکەی ترەوە لە دەڤەری دهۆک بۆ خۆی بەشی پزیشکی هەیەو لە پارێزگای هەولێر چەند بەشێکی پزیشکی گشتی تێدایە کە لە زمنیشیاندا کۆلێجی پزیشکی زانکۆی کۆیەیە...واتە خوێندکارانی هەردوو پارێزگای دهۆک و هەولێر ژمارەی بەشەکانیان زیاترە و ژمارەی خوێندکارەکانیشیان کەمتر....بۆیە نمرەی وەرگیرانی ئەو بەشانە لە ئەنجامدا کەمتر دەبێت لە چاو نمرەی وەرگیرانی پارێزگای سلێمانی و بەمەش قوتابیانی هەولێر بۆ وەرگیرانیان لە بەشێکی پزیشکی نمرەیەکی کەمتریان پێویست دەبێت ..
بۆیە لێرەوە ئەم بابەتە بڵاودەکەینەوەو هیوادارین بیگەیەننە شوێنی مەبەست و لایەنی پەیوەندیداری لێ ئاگاداربکریتەوەو چیتر یاری بە چارەنووسی خوێندکاران نەکرێت..