پڕکردنەوەی فۆڕمی خوێندن لە زانکۆی ڕاپەڕین دەستیپێکرد

زانکۆی ڕاپەڕین ڕاگەیاند، دەستیان کردووە بە پڕکردنەوەی فۆڕم بۆ وەرگرتنی خوێندکاران لە فاکەڵتی پەروەردەی بنەڕەتی ئێواران.

ئەمڕۆ ١٧ ی تەموزی ٢٠١٦ زانکۆی ڕاپەڕین ڕاگەیەندراوێکی لەبارەی پڕکردنەوەی فۆڕمی خوێندنەوە بڵاوکردەوە و لە ڕاگەیەندراوەکەدا هاتووە "فاکەڵتی پەروەردەی بنەڕەت لە زانکۆی ڕاپەین ئاگادارى مامۆستایانی میلاکی وەزارەتی پەروەردە‌ دەکاتەوە، ئەوانەی‌ خوازيارن درێژە بەخوێندن بدەن لە خوێندنى ئێوارانی زانکۆی ڕاپەڕین، دەتوانن له‌ ڕێكه‌وتى ۲۰۱٦/۷/۱۷ وە تا ڕێکەوتی ۲۰۱٦/۹/۱۷ سەردانی فاکەڵتی پەروەردەی بنەڕەت بکەن بە مەبەستی پڕکردنەوەی فۆڕمی داواکاری خوێندن".

هەروەها زانکۆی ڕاپەڕین ڕایگەیاندووە، بەشەکانی خوێندنی ئێواران بریتین لە (کوردی ، عەرەبی ، بیرکاری ، زانستی گشتی).

 لە ڕاگەیەنداوەکەدا ئاماژە بۆ ئەوەشکراوە کە دابەشکردنی فۆڕم لە هەفتەدا تەنیا لە ڕۆژانى (شه‌ممه‌ تا چوارشه‌ممه‌) كاتژمێر (٤-۷)ى ئێواره‌ ده‌بێت و بۆ وه‌رگرتنى فۆڕم پێويسته‌ خوازيار ناسنامه‌ى مامۆستايه‌تى ياخود پشتگيرى خوێندنگاكه‌ى لەگەڵ خۆیدا بهێنێت.

له‌ كاتى گه‌ڕاندنه‌وه‌ى فۆڕم پێویستە خوازيار ئه‌م پێداويستييانه‌ى خواره‌وه‌ له‌گەڵ فۆڕمەکە هاوپێچ بکات:

١- کۆپی فه‌رمانى كارگێڕى يه‌كه‌م دامه‌زراندن.
٢- پشتگيرى به‌ڕێوه‌به‌رايه‌تى په‌روه‌رده‌كه‌ى.
٣-  بڕوانامه‌ى ڕه‌سه‌ن (ته‌صديقكراو).
٤- بڕوانامه‌ى به‌شى په‌يوه‌نديدار (پسپۆڕيه‌كه‌ى).
٥- كۆپی ناسنامه‌ى بارى كه‌سيه‌تى (هوية).
٦- كۆپی ره‌گه‌زنامه‌ (الجنسية).
٧- كۆپى كارتى زانيارى.
٨- شه‌ش (٦) وێنه‌ى ڕه‌نگاو ڕه‌نگ.

بۆ بینینی ڕێبەری وەرگرتن کلیک لێرە بکە.