كومبونا ئاسایی یا جڤاتا په‌روه‌ردێ ل كوچكا رێڤه‌به‌ریا گشتی یا په‌روه‌ردا پارێزگه‌ها دهوكێ هاته كرن
ئه‌ڤرو روژا دووشه‌مبی رێكه‌فتی 1/2/2016 كومبونا ئاسایی یا جڤاتا په‌روه‌ردێ ل كوچكا رێڤه‌به‌ریا گشتی یا په‌روه‌ردا پارێزگه‌ها دهوكێ ب ئاماده‌بونا به‌رێز عبد یوسف احمد رێڤه‌به‌رێ گشتی یێ په‌روه‌ردێ ل پارێزگه‌ها دهوكێ وهه‌ردوو هاریكارێن رێڤه‌به‌رێ گشتی و رێڤه‌به‌رێن په‌روه‌ردێن قه‌زایێن سه‌ر ب رێڤه‌به‌ریا گشتی یا په‌روه‌ردێ ل پارێزگه‌ها دهوكێ و ریڤه‌به‌رێ سه‌رپه‌رشتیا په‌روه‌رده‌یی ودلنیا جوری ل پارێزگه‌ها دهوكێ هاته كرن .
دكومبونێ دا رێزدار عبد یوسف احمد رێڤه‌به‌رێ گشتی یێ په‌روه‌ردێ به‌حسێ ئه‌نجامێ وان كومبونا كر یێن دگه‌ل سه‌روكاتیا حكومه‌تا هه‌رێما كوردستانێ ووه‌زاره‌تا په‌روه‌ردێ وكارگێریا پارێزگه‌ها دهوكێ دیسان ئێكه‌تیا ماموستایێن كوردستانێ سه‌باره‌ت كاودانیێن نوكه كوردستان تێدا ده‌ربازدبیت نه‌خاسمه بابه‌تێ مووچان .
خالێن هاتینه به‌حسكرن وبریار لسه‌ر هاتیه دان :.
1. دكومبونێ دا رێڤه‌به‌رێ گشتی به‌حسی وان بریاران هاته كر نیێن د كومبونا ل روژا 27/1/2016 ل باره‌گایێ ئێكه‌تیا ماموستایێن كوردستانێ لقێ دهوك ب ئاماده‌بونا هه‌می رێڤه‌به‌رێن په‌روه‌ردێن قه‌زا ولیژنا په‌روه‌ردێ ل جڤاتا پارێزگه‌ها دهوكێ ورێڤه‌به‌ریا سه‌رپه‌رشتیا په‌روه‌ردێ هاتینه وه‌رگرتن وته‌ئكید ل هه‌مان بریارێن وێ روژێ هاته كرن .
2. دكومبونێ دا به‌حسێ ئاریشا پارێن وانه بێژا هاته كر ن كو ئه‌ڤه بو ماوێ ( 4 ) هه‌یڤانه نه‌هاتینه مه‌زاختن وبریار هاته دان كو داخازه‌ك بهێته كرن ژ جه‌نابێ پارێزگه‌رێ دهوكێ و وه‌زیرێ په‌روه‌ردێ بو دویتنا چاره‌سه‌رییه‌كا بله‌ز ومه‌زاختنا پارێ وانه بێژا .
3. پشتی جه‌نابێ پارێزگه‌رێ دهوكێ داخازا ئاماره‌كێ ژ رێڤه‌به‌ریا گشتی په‌روه‌ردێ هاتیه كرن بریار هاته دان وبزویترین ده‌م ئاماره‌ك بهێته ئاماده‌كرن سه‌باره‌ت وان ماموستایێن هاتن وچوونێ بو ژده‌رڤه‌ی باژێری دكه‌ن وپشتی بدوماهی دهێت بهێته ره‌وانه‌كرن بو كارگێریا پارێزگه‌ها دهوكێ بو دویتنا چاره‌سه‌رییه‌كێ بو ماموستایێن هاتن وچوونێ دكه‌ن كو نێزیكی ( 2000 ) ماموستانه .
4.داخاز هاته كر ن كو ئه‌و ئه‌زموونێن زانستی یێن ( تێست – TEST ( كو سالانه بو قوتابیێن پولێن ( 6 -8 ) بنه‌ره‌تی و ( 11 ) ئاماده‌یی دهێنه كرن وژبه‌ر كاودانێن نوكه وقه‌یرانا دارایی چاڤ خشاندنه‌ك ژلایێ وه‌زاره‌تێ لسه‌ر ڤێ بریارێ بهێته كرن و ئه‌ڤ ساله بهێنه راگرتن .
5. بریار هاته دان كو ئه‌و بریارێن هاتینه دان ل كومبونا روژا 27/1/2016 كو ب هه‌می خالێن خوڤه بهێته بجه ئینان وبریار ئه‌ڤێن ل خارێ بون : .
1. ماموستایێن ده‌وامێ ل سه‌نته‌ری باژێری دكه‌ن وهاتن وچونێ نه‌كه‌ن بو جهێن ژده‌رڤه‌ی ئاكنجی كرنا خو(روژه‌ك بو ببیته بێنڤه‌دان) ب مه‌رجه‌كی به‌هره‌یێن وی یێن وانه‌گوتنێ بهێنه دابه‌شكرن لسه‌ر روژێن دی یێن حه‌فتیێ ورێڤه‌به‌رێن قوتابخانا هاتینه راسپاردن كو خشته‌یه‌كێ رێك وپێك ئاماده‌بكه‌ن وروژا بینڤه دانێ بو هه‌ر ماموستایه‌كێ بهێته دیار كرن وچێ كارتێكرنێ ل ده‌واما قوتابیان نه‌كه‌ت .
2. ماموستایێن ده‌وامێ ژده‌رڤه‌ی جهێ ئاكنجی كرنا خو دكه‌ت وهاتن وچوونێ روژانه بو جهێ ده‌واما خو دكه‌ت ( 2 ) روژ بو ببنه بێنڤه‌دان ب مه‌رجه‌كی به‌هره‌یێن وی یێن وانه‌گوتنێ بهێنه دابه‌شكرن لسه‌ر روژێن دی یێن حه‌فتیێ ورێڤه‌به‌رێن قوتابخانا هاتینه راسپاردن كو خشته‌یه‌كێ رێك وپێك ئاماده‌بكه‌ن وروژێن بینڤه دانێ بو هه‌ر ماموستایه‌كێ بهێته دیار كرن وچێ كارتێكرنێ ل ده‌واما قوتابیان نه‌كه‌ت .
3. ئه‌ڤ بریاره ژ قوتابخانێن ( نمووونه‌یی – فێركرنا بله‌ز – ئێڤاران – سریانی ) ناگریت وده‌وامێن وان چێ گهورین تێدا چێ نابن ژبه‌ر كو ڤان قوتابخانا ل ده‌واما خو یا ئاسایی روژه‌ك بێنڤه‌دان یا هه‌ی .
3. ده‌واما فه‌رمانبه‌ران ل رێڤه‌به‌ریا گشتی یا په‌روه‌ردا پارێزگه‌ها دهوكێ ب هه‌می رێڤه‌به‌ریێن سه‌ر ب رێڤه‌به‌ریا گشتی ڤه ده‌م ژمێره‌ك هاته كێمكرن وده‌وام تا ده‌م ژمێر ( 02:00 ) پشتی نیڤرو بیت .
ل دماهیێ جاره‌كا دی دووپات دكه‌ین كو ده‌رگه‌هێ قوتابخانا ب هییچ ره‌نگه‌كی ناهێنه گرتن وروژانه ده‌وام دێ هێته كرن و ئه‌ڤ بریاره ده‌مكی نه ( وه‌ختی ) نه وهه‌ر وه‌خته‌كێ كاودان ئاسایی بون ده‌واما ماموستایان ژی وه‌كی جاران دێ ئاسایی هێته كرن .
http://www.perwerdagduhok.net/
The post كومبونا ئاسایی یا جڤاتا په‌روه‌ردێ ل كوچكا رێڤه‌به‌ریا گشتی یا په‌روه‌ردا پارێزگه‌ها دهوكێ هاته كرن appeared first on رێڤەبەریا پەروەردا قەزا دهوك روژئاڤا.
سه‌رچاوه ماڵپه‌ڕی خوێندگه
خوێندنه‌وه‌ی ته‌واوی بابه‌ته‌كه
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: