كومبونه‌كا به‌رفره‌ه ل دور ئه‌زموونان ل وه‌زاره‌تا په‌روه‌ردێ دێ هێته ئه‌نجامدان
ئه‌ڤرو رێكه‌فتی 30/12/2015 و ب ئاماده‌بونا به‌رێز ( خورشید یحیی ) هاریكارێ رێڤه‌به‌رێ گشتی بوكاروبارێن ته‌كنیكی ورێڤه‌به‌رێن په‌روه‌ردێن قه‌زایێن دهوك روژهه‌لات و روژئاڤا و سێمێل و رێڤه‌به‌رێ رێڤه‌به‌ریا سه‌رپه‌رشتیا په‌روه‌رده‌ی و دلنیا جوری و رێڤه‌به‌رێ یه‌كا سه‌رپه‌رشتیا ئاماده‌یی و پیشه‌ی ل سه‌نته‌رێ باژێرێ دهوكێ و ژماره‌كا سه‌رپه‌رشتیارێن ئێكێ و یێن كارگێری و رێڤه‌به‌رێن قوتابخانێت ئاماده‌یی و هژماره‌كا قوتابیان كومبونه‌ك ل كوچكا رێڤه‌به‌ریا گشتی یا په‌روه‌ردا پارێزگه‌ها دهوكێ هاته ئه‌نجامدان لدور وان پێشنیارێن ژ لایێ وه‌زاره‌تا په‌روه‌ردێ ڤه هاتینه ره‌وانه‌كرن بو رێڤه‌به‌ریا گشتی یا په‌روه‌ردا پارێزگه‌ها دهوكێ ل دور ئه‌زموونێن گشتی یێن قوناغا 12 ئاماده‌یی و پێشنیار ئه‌ڤێن ل خارێ بون:
ا-ژمارا روژێن ئه‌نجامدانا ئه‌زموونان د حه‌فتیێ دا .
2-دانا كودی بوقوتابی مه‌ركه‌زی بیت یان نه .
3-دانا بره پاره‌كی ژلایێ قوتابی ڤه كو ژ 8000 دیناران پتر نه‌بیت.
4-ئه‌نجامدانا ئه‌زموونان ل قوتابخانێت خو.
5-هه‌می ماموستا پێگریێ بكه‌ن ب چاڤدێریێ ل روژێن ئه‌زموونان.
6-لادانا هه ر رێڤه‌به‌ره‌كێ پێگریێ نه‌كه‌ت ل ده‌مێ دهێته راسپاردن ب رێڤه‌برنا بنگه‌هێن ئه‌زموونان.
دبه‌رده‌وامیا كومبونێ دا ژلایێ هه‌می ئاماده‌بویان گه‌نگه‌شه لسه‌ر هه‌رئێك ژڤان پێشنیاران هاته‌كرن و راو بوچونێت جیاواز هه‌بون ژلایێ وان رێڤه‌به‌روسه‌رپه‌رشتیارو ماموستایان و تایبه‌ت قوتابیان روله‌كێ به‌رچاڤ هه‌بو د گه‌نگه‌شه‌كرنا ته‌وه‌رێن دیاركری دا چونكی هه‌می ته‌وه‌ر گرێدای خزمه‌تكرنا قوتابیان و بلندكرنا ئاستێ زانستی بون .وئه‌ڤ راو بوچونه هه‌می دێ هێنه ره‌وانه كرن بو وه‌زاره‌تا په‌روه‌ردێ و بریاره ل روژا ئێك شه‌مبی رێكه‌فتی 3/1/2016 كومبونه‌كا به‌رفره یا گرێدای ئه‌زموونێن گشتی یێن قوناغا 12 ئاماده‌یی ل وه‌زاره‌تا په‌روه‌ردێ ل سه‌رانسه‌ری هه‌رێما كوردستانێ بهێته كرن.
http://www.perwerdagduhok.net/
The post كومبونه‌كا به‌رفره‌ه ل دور ئه‌زموونان ل وه‌زاره‌تا په‌روه‌ردێ دێ هێته ئه‌نجامدان appeared first on رێڤەبەریا پەروەردا قەزا دهوك روژئاڤا.
سه‌رچاوه ماڵپه‌ڕی خوێندگه
خوێندنه‌وه‌ی ته‌واوی بابه‌ته‌كه
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: