كێشا قوتابیێن په‌یمانگه‌ها راهێنان و گه‌شه‌پێدان چاره‌بوو
دچارچووڤێ دیداره‌كا تایبه‌ت دا ل به‌رنامێ (په‌روه‌رده و ژیان) كو راگه‌هاندنا رێڤه‌به‌ریا گشتی یا په‌روه‌ردا پارێزگه‌ها دهۆكێ به‌رهه‌ڤ دكه‌ت، رادیۆیا دهۆك رۆژێن پێنج شه‌مبی دهێته پێشكێشكرن ئه‌ڤرۆ 24/12/2015 خه‌لكا ئه‌ڤرۆ یا تایبه‌ت بوو ب كێشێن قوتابیێن په‌یمانگه‌ها راهێنان و گه‌شه‌پێدانا مامۆستان ڤه، ب مێهڤانداریا د. ئیبراهیم ئه‌حمه‌د سمو سه‌رۆكێ لژنا په‌روه‌ردێ ل په‌رله‌مانێ كوردستانێ، دیسان حه‌كیم عه‌بدوللا رێڤه‌به‌رێ په‌یمانگه‌ها راهێنان و گه‌شه‌پێدانا مامۆستان ل دهۆكێ، حه‌سه‌ن عه‌بدوغه‌فور نوونه‌رێ قوتابیان ل په‌یمانگه‌هێ و پشتی گه‌نگه‌شه‌كا تێر و ته‌سه‌ر، د. ئیبراهیم ئه‌حمه‌د سمو دیاركر كو به‌ری په‌رۆگرامی ب چه‌ند خوله‌كا په‌یوه‌ندی ب وه‌زیرێ په‌روه‌ردێ د.پشتیوان سادق كریه و گازندا قوتابیان گه‌هاندیێ، وه‌زیرێ په‌روه‌ردێ حوكمه‌تا هه‌رێمێ ل سه‌ر خواستێن قوتابیان رازیبوویه و بڤی ره‌نگی.
1- سێ كورس ببنه دو كورس
2- ماف و ئمتیازاتێن دارايى یێن باوه‌رناما به‌كالوریورسێ بهێنه هه‌ژمارتن نه‌ك باوه‌رنامه .
3- مامۆستایێن په‌یمانگه‌ها ناڤبری ماف هه‌یه به‌رده‌وامیێ بده‌نه خواندنا خوه یا ماسته‌ر و دكتورایێ و ب مه‌ره‌جه‌كی پشتی وه‌ركرتنا باوه‌رنامێ ڤه‌گه‌ریته سه‌ر كارێ خوه ل په‌یمانگه‌ها ناڤبری.
د.ئیبرهیم ئه‌حمه‌د سمو دیاركر ژی كو دانا باوه‌رناما به‌كالوریوس نه ده‌ست هه‌لاتێن وه‌زاره‌تا په‌روه‌ردێ نه، به‌لكو دڤێت دچارچووڤێ قانوونه‌كا بچووك دا ل په‌رله‌مانی ئه‌ڤه بهێته راستڤه‌كرن و كار ل سه‌ر بهێته‌كرن و هیڤی خواستن ل ده‌مه‌كێ نێزیك ئه‌ڤه ژی بهێـته‌كرن.
هه‌ڤده‌م، پشتی ڤی نووچه‌ی حكیم عه‌بدوللا رێڤه‌به‌رێ په‌یمانگه‌ها راهێنان و گه‌شه‌پێدانا مامۆستان ل دهۆكێ ده‌ست خوه‌شی ل د.ئیبراهیم ئه‌حمه‌د سموكرن و دیاركر كو پشتی جه‌ژنا سه‌رێ سالێ دێ دوڤچوونێ ل سه‌ر بابه‌تی كه‌ت و دێ ب نڤیسار هه‌موو قوتابیان هایداركه‌ت.
دووماهیێ ژی نوونه‌رێ قوتابیان سوپاسیا د.ئیبراهیم ئه‌حمه‌د سمو سه‌رۆكێ لژنا په‌روه‌ردێ، حكیم عه‌بدوللا رێڤه‌به‌رێ په‌یمانگه‌هێ كرن و سوز دا بچنه هولێن خواندنێ و به‌رده‌وامیێ بده‌نه خواندنا خوه.
http://www.perwerdagduhok.net/
The post كێشا قوتابیێن په‌یمانگه‌ها راهێنان و گه‌شه‌پێدان چاره‌بوو appeared first on رێڤەبەریا پەروەردا قەزا دهوك روژئاڤا.
سه‌رچاوه ماڵپه‌ڕی خوێندگه
خوێندنه‌وه‌ی ته‌واوی بابه‌ته‌كه
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: