رۆژا ئالایێ كوردستانێ بلند هاته راگرتن
رۆژا ئالایێ كوردستانێ ئه‌ڤرۆ 17/12/2015 ل ژێر چاڤدێریا فه‌رهاد ئه‌مین ئه‌ترووشی پارێزگه‌رێ دهۆكێ د رێوره‌سمه‌كێ تایبه‌ت دا ل ئاماده‌یا صادق بهائه‌دین ب ئه‌نجامدانا چه‌ندین په‌یڤ و چالاكیان هاته ساخكرن.
ئه‌ڤ رێوره‌سمه ب به‌رهه‌ڤبوونا ئه‌ڤین هرۆری ئه‌نداما سه‌ركرداتیا پارتی و به‌هزاد عه‌لی ئاده‌م پارێزگه‌رێ دهۆكێ ب وه‌كاله‌ت و به‌هجه‌ت ئاڤده‌ل كارگێرێ لقێ ئێكێ پارتی دیمۆكراتی كوردستان و نوونه‌رێ لقێ ئێك و عه‌بد یووسف ئه‌حمه‌د رێڤه‌به‌رێ گشتی یێ په‌روه‌ردا پارێزگه‌ها دهۆكێ و هه‌ردو هاریكارێن وی و عومه‌ر ئه‌حمه‌د قاسم رێڤه‌به‌رێ په‌روه‌ردا دهۆك رۆژئاڤا و هژماره‌كا ئه‌ندامێن په‌رله‌مانێ كوردستانێ و ئه‌ندامێن جڤاتا پارێزگه‌ها دهۆكێ و سه‌رپه‌رشتیار و مامۆستا و سه‌میانێن قوتابیان هاتنه ئه‌نجامدان.
ل ده‌ستپێكێ و پشتی په‌یڤا بخێرهاتنێ ژ لایێ سامی ره‌شید رێڤه‌به‌رێ قوتابخانێ ڤه هاتیه پێشكێشكرن، ئۆپه‌رێته‌ك ل دۆر سه‌ركه‌ڤتنێن پێشمه‌رگه‌ی ل سه‌ر تیرۆرستێن داعش هاته نیشادان و ل دووڤ دا، پارێزگه‌رێ دهۆكێ ب وه‌كاله‌ت په‌یڤه‌ك ب ڤێ هه‌لكه‌ڤتێ پێشكێشكر و پاشی رێڤه‌به‌رێ گشتی یێ په‌روه‌ردا پارێزگه‌ها دهۆكێ د په‌یڤه‌كێ دا دیار كر كو ل سالا 1920 ئالایێ كوردستانێ ل سێگۆشه‌یا د ناڤبه‌را عیراقـ و توركیا و ئیرانێ ل سه‌ر ده‌ستێ ره‌وشه‌نبیرێ كور زه‌ینئه‌لعابدین هاتیه دانان و ل سالا 1927 بۆ جارا ئێكێ ل شۆڕه‌شا ئاگری ئیحسان نوری پاشای بلند كریه و ل دووڤ دا به‌هجه‌ت ئاڤده‌ل په‌یڤه‌ك پێشكێشكر و به‌حسێ دیرۆركا ئالایێ كوردستانێ و ئه‌و قوربانیێن بۆ پاراستنا وی هاتینه دان كر.
ل دووماهیا رێوره‌سمان چه‌ند هه‌لبه‌ست ژ لایێ هه‌لبه‌ستڤان لائق كورێمه‌یی ڤه ب ڤێ هه‌لكه‌فتێ هاتنه پێشكێشكرن.
The post رۆژا ئالایێ كوردستانێ بلند هاته راگرتن appeared first on رێڤەبەریا پەروەردا قەزا دهوك روژئاڤا.
سه‌رچاوه ماڵپه‌ڕی خوێندگه
خوێندنه‌وه‌ی ته‌واوی بابه‌ته‌كه
مدون من بلد المليون و نصف شهيد احب مطالعة جديد العلوم و التقنيات مؤسس لمدونة علوم و تقنيات
ليست هناك تعليقات: